The Right to Information Week, 2024 chu October ni 11, 2024 (Zirtawpni) dar 11:00 ah ATI Auditorium, MINECO ah hman a ni a, Dr. Vanlalthlana, Minister I&PR, etc. chu khuallian niin hun a hmanpui a ni.
He hunah hian Chief Information Commissioner Pu John Neihlaia'n Welcome Speech sawi pahin RTI chungchanga hriattur pawimawh tak tak a sawi tel bawk a, public authorities te tan lak ngaihna te leh Mizoram RTI Online chungchang te a sawi bawk.
Khuallian Dr. Vanlalthlana, Minister pawhin thu sawiin sawrkar khalh ngil nan RTI tangkai zia te, Mizoramah public authorities ten hna an thawh that thawkhat avangin RTI Second Appeal pawh a tlem hle a ni a ti a, public authorities kalkhawm te pawh chhanna rintlak rang taka pe chhuak thin turin a fuih a ni.
Khuallian thusawi zawh hian Pu H. Dolianbuaia, Secretary, MIC kaihhruainain RTI Excellence Award, 2024-2025 sem a ni a, a hnuai ami ang hian lawmman sem a ni: -
- 1st Prize - Mizoram Public Service Commission
- 2nd Prize - General Administration Department
- 3rd Prize - Department of Personnel & Administrative Reforms
- Consolation - Department of Information & Communication Technology & Administrative Training Institute
Pu Mangjangam Touthang, Information Commissioner-in lawmthu sawiin programme a khar a ni.
