February ni 26, 2024 khan RTI Act 2005 leh Mizoram RTI Rules 2010 chungchangah Saitual DC office ah Chief Information Commissioner hovin training neih a ni.
Vawiin a training ahhian Pu John Neihlaia, Chief Information Commissioner chuan thu sawiin RTI training a lokal te chu an thil zir turte a tangkai tur anga hmang tangkai thei turin uluk taka ngaihthla a zawhna te zawt turin a sawm a.
RTI chu hriatchian a ngaih hle thu sawiin, RTI section 2 J (1) phei chuan hnathawh a hmun a va endik(inspection of work)te thlengin huam a ni, a ti. RTI Act sual chhuah hun chhung chu rei tak a nih thu sawiin, British hun lai atang tawh a dan kan chhawm chhoh tamtak, Sawrkar in relbawlna thuruk ni thin chu RTI hian langtlang in a lo siam ta a ni, a ti.
Pu John Neihlaia chuan Sawrkar hnathawkten RTI chu hna pawimawh bera kan ngaih loh thin vang in a pek chhuah kawngah kan khaihlak thin a ni, a ti a. Sawrkar hnathawkte chu mipui chhiahhlawh angin in sawi mah ila kan rilru ah kan in pawm thei tak tak thinlo a, chuvang chuan mipuite nen kan inkar ah langtlang lo tamtak a awm phah thin a ni, a ti. Mi ram te ngaihtuah chuan mizoram a RTI lut chu a la tlem hle a, a zawttu te pawhin kan chhanna dawn ah te kan lungawi hma hle a ni, a ti.
VC te pawh an hnathawhte mipuiin an zawhna te leh an hnathawh dan an hriat duh te LAD ah emaw , a Department concern ah zawt kher lovin anmahni chu SPIO ah rawn siamin RTI chu mipuite tan an rawn chhawp hnai a ni, a ti a. Heng zawng zawng avang hian RTI ti hlawhtling tur chuan kan za a mawhphurhna kan neih thu a sawi bawk.
Pu .H Dolianbuaia ,Secretary, Mizoram Information Commission chuan hun kaihruaiin Information Commission chu langtlang inrelbawlna a awm theih nan thuneihna sang tak pek a ni , a ti a, RTI hmanga kan mawhphurhna te chu request ni lovin kan tih ngei ngei tur - mandatory a nih avangin RTI zawhna te chu namnul mai mai chi a ni lo a ni, a ti. VC te chu SPIO an nih tawh dawn avangin uluk taka an training chu ngaihthla turin a chah bawk.
Saitual DC, Dr Lalngura Tlau pawhin thu sawiin RTI lama hotuten an hun chep tak kara Saituala training an lo pe thei chu a lawmawm hle a ni, a ti a. Department thenkhat ah RTI a mahni nihna pawh la hrechiang lo an awm chu pawi a tih thu sawiin, RTI chu India Danpui, Fundamental Right hial a rin luh tawh, pawimawh tawpkhawk a ni, a ti a. Sawrkar hnathawkten RTI pek chhuah chu Keimahni tana thil pawi a nih loh tehreng nen hun thenkhat ah an ti khawtlai thin chu hriatthiam har a tih thu sawiin, langtlang inrelbawlna nei tura tan la turin kalkhawmte chu a sawm nghal bawk a ni.
Saitual DC Conference Hall a RTI training neihna ahhian Pi Lily, Deputy Secretary,MIC Mizoram Information Commission chuan training pe in zawhna leh chhannna hun hman nghal a ni a. Training ahhian Saitual a Department hrang hrang a DAA, Sapio leh SPIO te telin Saitual leh a chhehvel a khawtlang hruaitute leh tlawmngaipawl hruaitute thahnem tak an tel bawk a ni. Pu Mangjangam Touthanga IIS (Rtd), Information Commissioner, Mizoram Information Commission in lawmthu sawina a neih hnu in Training hi tihtawp a ni.
